شكون فكرني تاني



ياك كنت ناسي و راضي بالقسمة و مرتاح

وشكـون فكرني تاني و رجعني لايام زمان

و شعـل نار الاشواق بعــد ما برات لجـراح

وانا اللي تعـودت ننساها و نسى كـل ما كان

حاولت نغالط قلبي لكن بالسر تكلم و باح

قال كيف ننساه و هو ساكن الروح والوجدان

وكـل تنهيدة تتمنى تشوفو اليوم قبل الصباح

هكذا يحز في نشـوف فعينيه لوعة الحرمان

وطاوعتو ومشيت مع هواه و قلت يالله سماح

وارجع تاني الماء المجراه والقلب عاد فرحان



وندمت عللي فات وقلت يا قلبي تهنى وارتاح

وذوق حلاوة الحب واسقي منها كل عطشان

واجي ننسى مافات و ننعم بفجر جديد وضاح

وخلينا يا قلبي نعيش فدنيا كلها حب و امان

خصامنا ما هوغير سحابة صيف لازم تنزاح

وترجع الفرحة و نسى معاها ايام الحرمان

ما فيهـا لاحقـد لا نفـاق لا غــدر و لا جراح

يمكن لقلوب تصفى ونذوق الحب بكل الوان

وكان اللي كان و فجرالهناء لاح و ليله راح

وحبنا صبح مثال الاخلاص في عين كل ولهان

نشرب ونروى من نبعو ونعيش ايامو لملاح

ما دام الصدق جمعنا والوفاء صبح لينا عنوان

وزيانت ليام و الورد تفتح وعبيرو عليـنا فاح

والطـير شاركنا فرحتنـا وغنى اعـذب الالحان

شكراااااااااا على المرووووور الطيب