لاتسألوني.. وأسألوهـا مـن متـى ماكلمتنـي
وصدقونـي لوسألتـوا أدري ماينفـع معـاهـا
من يصدق كيف غابت عن عيونـي وهجرتنـي
مخطيّـه والله يعلـم لوتجـي بدمـح خطـاهـا
غاليّـه والشاهـد الله مـن غـلاهـا ولعتـنـي
ومـن بعـد ماولعتنـي أحرمتنـي مـن غلاهـا
وقلت يمكنّهـا إتغـلا مثـل ماهـي إمعودتنـي
تحرق أعصابي وترجـع.. كـل ماربـي هداهـا
ليه؟؟ وش ذنبي؟؟ بدون أسباب هالمّره نستنـي
ماني متحمل جروحـي وزود جروحـي قساهـا
أذكـر أنهـا حذرتنـي بكـم كلمـه وإسألتنـي
( وش مصيرك لوتركتك وسط هالدنيا وغثاها ؟ )
كانـت إتلمّـح لحاجـه ومـن بعدهـا حلفتنـي
إني لاغابـت أغيـب وأنسـى لوقلبـي بغاهـا
ليتهـا قبـل الرحيـل بكـل صراحـه فهمتنـي
هي ظروف الوقت؟.. وألا شخص ولعها وخذاها ؟
ماهقيت أنـي أبتعـب ليـن راحـت وإتركتنـي
ولين قلبي قال هـذي مالـي محبوبـه سواهـا
من يلوم القلـب فيهـا لويقـول أنهـا إفتنتنـي
دام لاجـات إتباهـا قـال مـن حقهـا تبـاهـا
من حلاها ماكذبت أن قلـت تسحـر وإسحرتنـي
ولوتمـر قـدام عينـي زر عقلـي مـن حلاهـا
ليـه قالتلـي (أحبـك)؟ ليـه فيهـا حببتنـي؟
مـادرت أنهـا بكلمـه علقتنـي فـي سمـاهـا
من كثـر ماكنـت أحبهـا لوثوانـي قاطعتنـي
إبلا شعور أسأل عليهـا وأقلـب الدنيـا وراهـا
علموها كيـف صـارت دنيتـي مـن هملتنـي
قولولهـا أنـي أمـوت وكـاره الدنيـا بـلاهـا
وذكروهـا بكـل كلمـه مـن شفاهـا ضيعتنـي
ماكفـاهـا ماجـرالـي أسألـوهـا ماكفـاهـا؟
مابقالـي غيـر صـوره فالبـعـاد وعذبتـنـي
من أطالعها تضيع العيـن فـي ضحكـة شفاهـا
ومابقالي غيـر ساعـه منّهـا يـوم إ ذكرتنـي
بعيد ميلادي وصـارت تحسـب الوقـت إلقاهـا
لوصحيـح أنهـا تبينـي ماتمـادت وخسرتنـي
ولوصحيح أنها تحبنـي ماتخلـت عـن هواهـا
السهـر عـذب عيونـي والقصايـد دمرتـنـي
وكل حرف بهالقصيده يشكـي الحـال وعناهـا
( ليتهـا تفهـم كلامـي لاوصلهـا وأسمعتنـي
وليتهـا ترحـم حبيـب ٍ لوتناسـت مانساهـا )
