+
----
-
والله بعد ما اتسحرنا وصلينا الصبح بالجامع وروحنا نمنا لحد صلاة الظهر
صليت صلاة الظهر ياخو من هان !
روحتلك على الدار لقيتلك كبشة مزز قصدي نسوان
وكل واحدة فاتحة تمها سبعة متر وبتبرم وصوت كل وحدة فيهن موصل لعند ابو طلال تبع الفول والفلافل !
انا بحلقت هيك الا هني اربعة طقاطيق (نسوان) وبتخرفوا فقررت اني اقعد معاهن
مع اني من النوع اللي بخجل ياي يئبش ألبي أنا بس قعدنا وخلص !
زكية وحليمة وسعدية وعزيزة
ما شاء الله اسماء انسى من الاخر ههههههههه يلعن وائل يازلمة !
اول ما فتت سلمن عليا وهيك الا هيا نطت زكية بتعوي قصدي تغرد تقول
:
شفتوا البنت عطيات .. بنت إم تحسين كل يوم وباص بييجي ياخدها ويجيبها يختي ابصر وين بتروح وابصر شو بساوا مع بعض !
نطت حليمة قالت اه ياختي والله سيرتها على كل لسان هادا الجيل الجديد الله يسترنا منو يقطع شرهن بستحنش صايرات (هنا لسه صايرات ؟)
فطيت انا قلت انا اللي بعرفوا انو يعني انو هادا الباص تبع شركة جوال اللي نكبانا وتابع الها خصوصا وهيا بتشتغل معهم
نطت سعدية بتقولي :
يخوي انت شو عرفك ؟ انت طلعت بالباص معاها عشان تعرف انها بتشتغل مع شركة
او مش مع شركة (يعني انو عاملة فيها بتفهم الهبلة خدلك يخو ) بنات اليومين
هادول يخوي بيخوفن
قلتلها والله يا ام طرزان مبين الباص ومرسوم عليه اشاره جوال يعني شو بدو يكون؟
خمارة على الشيخ عجلين يعني ؟
اتقوا الله وبلاش تجيبوا سيره الناس حرام احنا برمضان
عزيزة قالت: طيب انت بتعرف انسام؟؟
...انسام يا زلمه اوخ ...
البنت البايره اللي عمرها ما راح تنفق
بنت ابو ياسين... اليوم شفتها ..وهي بتاشر لابن جيرانهم عماد ..شو رايك بهالحكي

قلتلها اصلا عماد احول وما بشوف عن بعد متر يعني اشرتله ولا ما اشرتله ما راح يشوف
بعدين كيف بايره البنت ..ولك لسه عمرها 21 سنه (مزة يالله يلعن تامر قال بايرة قال ) وحلوه كيف بورتيها يا إم فايز ؟

المهم ام فايز ما عجبتها القعده قالت انا مروحه عندي طبيخ وشغل الدار فوق راسي يختي
يله سلام عليكم كل عام وانتوا بخير يخوي يابو ايهاب وانتي كمان يختي يام ايهاب وسحبت حالها ومزعت !

والله ام فايز طلعت من هون ولا هي ام طرزان بتقول الله لا يوفقها ام فايز هادي شو بتحكي عالعالم
دايما يختي بسيره الناس ...تروح تشوف بنتها اللي دايما حومره وبودره وطالعه بالشعر )إسحب) وبتروح هان وهان
ردت عليها ام سعيد اه يختي.... يما عليها...اقولك ...ام فايز حلفتني يمين ما اقول لحد
بس انا بدي اقولكم انها تقاتلت مع جوزها امبارح وضربها بطنجره الطبيخ وبعصاية المكنسة
قلتلها انا طيب ما دام حلفتك ليش بتحكي عليها؟
قالتلي يخوي انا بحكي بس الكم ...هو انا بحكي لحد غريب؟
حكتلها حليمة والله يختي انتي من شرايين قلبي وفعلا بنتها ما بتستحي
قلتهم يا جماعه حرام النميمه برمضان وبغير رمضان خلص غيروا الموضوع
والله ام سعيد ما اعجبها الحكي وسحبت حالها وانقلعت !
ولا هي ام طرزان بتقول اصلا ام سعيد هاي جوزها الحشاش بعرف واحده تانيه وبدو يتجوز عليها
حليمة بتحكيلها .........ييييه بالله جد بحيات الله
قلتلها والله انا بعرف ابو سعيد مش حشاش ...وزلمه بخاف الله وكل صلاة بصلاتها بالجامع وملتزم ما شاء الله عليه ..واصلا هو ما في حيل
يروح عالحمام ..كيف بدو يتجوز يا ام طرزان ؟
ام طرزان: يخوي هادا عينه زايغه انا بشوفه وهو يتبصبص عالنسوان انت شو عرفك ؟
قلتلها يعني انتي بتبصبصي عليه؟ وبتراقبيه؟
قلتلي لا يخوي بس انا بشوفه ...بعدين انت الواحده بتعرفش تحكي كلمه عن حد وانت قاعد؟
شو يعني؟ عينوك محامي عن البشر؟ ....حليمة ...انا هيني مروحه ..بنحكي بعدين على رواق
والله روحت ام طرزان من هون وبلشت حليمة نميمه عليها وعلى ام سعيد وام فايز
وما خلت ولا بقت عليهم وعلى جيرانهم وعلى بناتهم
قلتلها بس يا حليمة حرام خلص بكفي....والله انتي بجوز بتنمي عن حالك ..او علي انا كمان
قالتلي له يخوي..... انت سيد الدار ....كيف انم عليك؟
المهم انا كنت بدي اقوم بس خايف حليمة تنم علي بس قلت مهي قاعده لحالها مش راح تقدر
تساوي اشي.... فقمت ومشيت خطوتين ولفيت راسي بسرعه عليها لقيتها حاطه ايدها عند دنيها
وبتلوح فيهم علي يلعن اللي مزعها
قلت الله اكبر يا حولم حتى وانتي لحالك بتعملي نميمه
اللهم اني صائم

إنتظرونا في الحلقة الجاية ...

ههههههههههههه بارك الله فيك فايزة عجبتني القصة

wa fik el baraka