هاذي دعاوي قلتها انا في صباح الخميس اللي فات قولو معايا اميييييييييييييين:
*
*
*
*
*
*
*
*
*
*
*
*
فطنت صباح الخميس جبرت اختي الصغيرة راحية تقرا ورافدة محفظة توزن النص فيها قلتها نقصي شوية من الادوات قالت لي البرمانج تاع اليوم كبير
قلت (يا بن بوزيد يجي ما يديك)
شوية هكذا خرجت للبرة وقريت في الجريدة ''هالة صدقي تحل في وهران''
قلت ('يا خليدة الله يخزيك)
على 11 ونص خرجت من الجامعة انا وصاحبي ورحنا للجامع صلينا وقعدنا نقراو شوية في المسجد جا لينا العساس اللي يغلق البيبان قالنا تفضلوا خليوني نغلق الجامع قلنالوا علاش تغلقوا؟ خلي الناس تقعد واللي يصلي ويعبد ربي على روحو ...قالنا مديرية الشؤون الدينية تقول الجامع لازم يتغلق ما بين الصلوات
قلت (يا غلام الله الله يهديك)
رجعت العشية للدار وشعلت الميكرو وطليت على اليوتوب لقيت خويا مراد مدلسي يقول:''ليس هناك من هو أكثر أوروبية من الجزائر، ولو كان للتاريخ منحى مختلف، لكنّا اليوم بلدا كامل العضوية في الإتحاد الأوروبي، ذلك لأننا في اللحظة التي وقعت فيها معاهدة روما ...كنا مانزال فرنسيين''
قلت ('يا مدلسي بهدلت بينا ربي يبهدل بيك)
